الملوانى
ااهلا بك زائرنا الكريم نتمنى ان تقضى وقت طيب معنا اسره منتدى الملوانى
الملوانى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

افلام برامج العاب صور جميلات العرب واحدث الاغانى
 
الرئيسيةالتسجيلدخول

 

 إلى البحر........

اذهب الى الأسفل 
كاتب الموضوعرسالة
جورجيت

جورجيت

انثى عدد المساهمات : 223
تاريخ الميلاد : 25/05/1995
تاريخ التسجيل : 10/02/2012
العمر : 25
العمل/الترفيه : راكيت

إلى البحر........ Empty
مُساهمةموضوع: إلى البحر........   إلى البحر........ I_icon_minitimeالثلاثاء مايو 15, 2012 5:58 am


يا موج البحر جاوبني و طمني على حالك


دا انا واقف على شطك ومستني تقول ..مالك ؟


وجي بشوقي أحكيلك


لقيتني بشوقي بشكيلك !


وحاسس إن أنا انت.. و هم الدنيا أحمالي وأحمالك


ورطمك ف الصخور يعزف على قلبي


بقايا القهر م الدنيا


سنين فاتت .. سنين ضاعت .. سنين تاهت ف مرسالك


لكن عارف


أنا زيك


بثور واغضب


وبتوعد أهد الدنيا وادفنها ف أعماقك


لكن فجأة بروق واصفى


كأني الطفل لو يضحك


كأن النسمة جيالك


بتتوضى سنين فرحة


وبتصلي


على وش اللي جاينلك


فتطرح بسمة ف خدوهم


تطمنهم على حالك




----------------------------------------------------------------




وأيضا




----------------------------------------------------------------




عارف يا بحر




بقتني حد كأني لسه بعرفه


وف مرايتك..


انت بس


بلاقي فرصه ان أوصفه


حلم الزمان اللي اترسم على نور عيوني


واقف يلملم خطوتي


وف موجك العالي البعيد


ينده عليا ف غربتي


ويقولي صحصح


لو نستني أنا لسه برضه مش نسيك


لو بايعني ..


عمري ليك..


هفضل شاريك


فكر تكون..


زي لون البحر صافي


لو يهون العمر فيك


مين يشيل الحلم عنك ..من كتافي ؟


يلى شيلني


لجل مانعدي البحور


شيل يلى خوفك


وامحي جرحك .. اللي واخدك م الحياه


خدني مركب عدى بيا للنجاه


شوف شطوط الفرحة طرحة ..أغلى قيمة للسنين


سيب سنين التوه ديا واجعل الأحلام يقين


يلى إبدأ


وإن نسيتني


أو لقيتني
زي وهم ف صحرا بايش

موجة البحر اللي جايه فيها لسه الحلم عايش



بس صدق

_________________
الرجوع الى أعلى الصفحة اذهب الى الأسفل
 
إلى البحر........
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملوانى :: الشعر والخواطر وعذب الكلام-
انتقل الى: