أقولك شعر .........

بقى عيزاني اقولك شعر
و انت الشعر و الأشعار؟!
و صوت قلبك نغم موزون
كإنه للفؤاد أسحار
و ضيك زي ضي الشمس
بينور في كل نهار
مشاعرك يا حبيبتي ورود
و جنة كلها أنهار
تبارك من خلق دنيايه
جنة حب فبها عمار
و خلاني في كل مكان ألاقيني
في وسط خضار
حبيبتي هدية من ربي
حبيبتي د اختيار ربي
و أدام المولى مختارلي
لا يوم حتعب و لا ححتار
حبيبتي أحلى وردايه و ريحانة من الرياحين
قصيدة عايشة جوايه..سند ليه ليوم الدين
أميرة في الجمال آية و واحة عشق فيها حنين
حبيبتي في الهوا حكايه بيحكي عنها العاشقين
و انا جنبك يا كل الناس
أنا بنسى أنا اكون مين
و انا في حضنك بدوب فيكي
و قلبي و روحي اهم شاهدين
أمانة عليك يا قلب حبيبتي ما تسيبنا في يوم أبدا
د انا و قلبي أكيد بعدك
حنفضل
وحدنا تايهين