الملوانى
ااهلا بك زائرنا الكريم نتمنى ان تقضى وقت طيب معنا اسره منتدى الملوانى
الملوانى
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

افلام برامج العاب صور جميلات العرب واحدث الاغانى
 
الرئيسيةالتسجيلدخول

 

 استغماية .............

اذهب الى الأسفل 
كاتب الموضوعرسالة
مايا على

مايا على

انثى عدد المساهمات : 61
تاريخ الميلاد : 27/11/1998
تاريخ التسجيل : 09/02/2012
العمر : 21
العمل/الترفيه : طالبه

استغماية ............. Empty
مُساهمةموضوع: استغماية .............   استغماية ............. I_icon_minitimeالثلاثاء أبريل 24, 2012 8:33 am

غمي عيونك

سد ودانك

إفتح بقك

قول انا فين

الشاطر فيكو

يحزر فزر

في دقيقتين

والإشطر منه

اللي يحزرها

في غمضة عين

والإشطر خالص ما يحزرش

يقول انا فين

والإشطر أشطر

اللي يبص يشوف بالعين

انا فين ؟

فيه ناس

اختلف في الموضوع

وحكاوي اتقالت

عن مواضيع

والناس لا مؤاخذة

في زمن الجوع

يتعشوا كلام

يفطروا تشنيع !

فيه واحد شافني

بلبده ولاسه

في باب اللوق

والتاني

لمحني بقفصين موز

علي باب السوق

والتالت شافني

في كاديلاك

راكب مع بنتين

والرابع

شافني ف طنطا

بابيع

بلابيع ونشوق !

وصحافه الصاوي

والورداوي

والجمال

وأباظه ولاظه

وباقي الدلاديل

والأندال

بتأكد جدا

جدا جدا بالتدقيق

إن انا محبوس

وباروح يوميا

للتحقيق!

طب اصدق مين

وأكدب مين ؟!

ماهي حاجه تمخول أيها عاقل

وانا مجنون

وباكلم نفسي

وعقلي صراحه

ماهوش مضمون

لو كنت بلبده ولاسه

وماشي ف باب اللوق

طب إيه مشاني

مفلس جدا

جنب السوق ؟!

لوكنت بدأت

كتاجر فاكهه

وبقفصين ؟

مش كنت زماني

معلم طمبه

وجوز اتنين؟

لوكنت ف كاديلاك

زي ما قال

التالت بيه

ومعايا بنات

زي الشربات

طب ح انزل ليه ؟!

لوكنت يا طنطا

بابيع بلابيع

وسطل وبخور

مش كنت زماني

مدير على جامع

أو مأمور ؟

وصحيح الصاوي

والورداوي

والجمال

حابسين أفكار الناس

في بلدنا

وعال العال

إياك قاصدين

إن انا مسجون

زي الملايين ؟

كده يبقي تمام

ولأول مره

ح اقول " صادقين "

بس انا لا مؤاخذه

وبالتدقيق

ماحصلشي معايا

ولا تحقيق !

مش حاجه تحير

طب أنا فين ؟

حزرتوا خلاص

فزرتوا خلاص ؟

عارفين

أنا فين

أنا ساكن قلبي ومتونس

بالناس

والناس الونسه كتير

ماليين القلب

وشاغلينه

سارحين في الدم

وفي التفكير

وجناين قلبي العمرانه

بالناس

الأزهار

العصافير

سايعاني

وسايعه اللي باحبه

وتساعي معايا

رفاقه كتير

شايفين انا فين ؟

الشاطر فيكو

يحزر فزر

في دقيقتين

والأشطر طبعا

حيحزرها

في غمضة عين

أنا ...... فين ؟
الرجوع الى أعلى الصفحة اذهب الى الأسفل
الملوانى
مدير المنتدى
الملوانى

ذكر عدد المساهمات : 515
تاريخ التسجيل : 07/04/2011

استغماية ............. Empty
مُساهمةموضوع: رد: استغماية .............   استغماية ............. I_icon_minitimeالثلاثاء أبريل 24, 2012 11:35 am

استغماية ............. 0902262056483bMS

_________________
الرجوع الى أعلى الصفحة اذهب الى الأسفل
https://mlwane5.ahladalil.com
 
استغماية .............
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الملوانى :: الشعر والخواطر وعذب الكلام-
انتقل الى: